وينو الأمل

وينو الأمل بقلم و صوت إسراء شعيب

وينو الامل هربان ومسكر بوابو

وبقلوبنا الهم عم يغرز نيابو

حيران قلي عا مين ارمي اللوم

وشبان بعمر الورد يا ويلتي شابو

****************

هيدا الضمير لناطرو يصحا

نايم عا ريش نعام مش واعي

رح تنطرو اليوم ورح تنطرو بكرا

ومن غفتو يا رفيق مش صاحي

*****************

وبتسأل هيدا المرض من وين

مين السبب لي تجرأ وجابو

صاب الخليقة كلها بيومين

وخلا ملوك العالم تهابو

****************

لا توقف بوج القدر يا كبير

بيسقيك مر الكاس منحسابو

وبتصفي من بعد قوة صغير

اذا غُضِب الله على عبادو

*****************

والله قليل يصير شو ما يصير

حقد وخيانة وغدر ظلم كتيير

هيدا قتل شعبو هيدا نعى حبابو

هيدا باع الوطن وتشردوا صحابو

هيدا لِهدّوا الدّيْن وبيعو تيابو

وبعدو الطمع موجود والناس

مااااااااااا تابوووووو

****************

إسراء شعيب

اترك تعليقاً